2013 жылы атқарылған жұмыстар туралы ақпарат

Батыс Қазақстан облысы мемлекеттік мұрағатының сараптау комиссиясы 2013 жылы бекітілген жоспарға сәйкес өз жұмысын жүргізді. Барлығы комиссияның 5 отырысы өтіп, онда 6 мәселелер талқыланды. Нәтижесінде 4 әдістемелік ұсынымдар, мұрағаттың істер номенклатурасы және Батыс Қазақстан облысы мемлекеттік мұрағатының толықтыру көзі болып табылатын Батыс Қазақстан облысының дамуына өз үлестерін қосқан азаматтардың тізімі келісілді.

Мысалы, мұрағаттың сараптау комиссиясының 2013 жылғы 18 қаңтардағы отырысының күн тәртібінде «Ұйымның істер номенклатурасын тексеру жөніндегі электрондық қалыпты пайдалану жөніндегі әдістемелік ұсынбалары» талқыланды. Нәтижесінде ұсынбаларды мақұлдау және Батыс Қазақстан облысы мұрағаттар және құжаттама басқармасының сараптау-тексеру комиссиясына ұсыну туралы шешім қабылданды (№1 хаттама).

Мұрағаттың сараптау комиссиясының 2013 жылғы 18 ақпандағы отырысының күн тәртібінде 2 мәселе қаралды - «Ұйымның істер номенклатурасын жасақтау жөніндегі электрондық қалыпты пайдалану жөніндегі әдістемелік ұсынбалары» мен Батыс Қазақстан облысы мемлекеттік мұрағатының толықтыру көзі болып табылатын Батыс Қазақстан облысының дамуына өз үлестерін қосқан азаматтардың тізімін талқыланды. Нәтижесінде ұсынбалар мен тізімді мақұлдау және Батыс Қазақстан облысы мұрағаттар және құжаттама басқармасының сараптау-тексеру комиссиясына ұсыну туралы шешім қабылданды (№2 хаттама).

2013 жылғы 9 қазандағы отырысының күн тәртібінде «Қорлар тізімі, тізімдемелер, істер, құжаттардың тізілімі» электрондық мәліметтер қорымен танысу және пайдалану жөніндегі әдістемелік көмекшісі» талқыланды. Нәтижесінде оны мақұлдау және Батыс Қазақстан облысы мәдениет, мұрағаттар және құжаттама басқармасының сараптау-тексеру комиссиясына ұсыну туралы шешім қабылданды (№3 хаттама).

2013 жылғы 18 қарашадағы сараптау комиссиясының отырыстарында «Батыс Қазақстан облысының мемлекеттік мұрағатында көрме ұйымдастыру мен өткізу жөніндегі әдістемелік ұсынымдары» талкылынды және Батыс Қазақстан облысы мәдениет, мұрағаттар және құжаттама басқармасының сараптау-тексеру комиссиясына ұсыну туралы шешім қабылданды (№4 хаттама).

2013 жылғы 18 желтоқсандағы сараптау комиссиясының отырыстарында «Батыс Қазақстан облысы мемлекеттік мұрағатының 2014 жылға арналған істер номенклатурасы» талқыланды және Батыс Қазақстан облысы мәдениет, мұрағаттар және құжаттама басқармасының сараптау-тексеру комиссиясына ұсыну туралы шешім қабылданды (№5 хаттама).