Ұлы Отан соғысының ардагері, Облыстық Мемлекеттік мұрағаты Жымпиты филиалының директоры болған Мергалиев Хамза Мерғалиұлының жеке отбасылық фотосуреттерінің тізімі

Ұлы Отан соғысының ардагері

Мергалиев Хамза Мерғалиұлының

өмірбаяны

Мергалиев Хамза Мерғалиұлы 1925 жылы Жымпиты ауданы Бұлдырты ауылдық кеңесінде, шаруа отбасында дүниеге келген.

Мектепті бітірген жылы 1943 жылы Жымпиты аудандық әскери комиссариатынан әскер қатарына алынып, №№44, 194 гвардиялық атқыштар полкі құрамында Ұлы Отан соғысына қатысады. Польша Республикасындағы Кракова, Братислава қалаларын және Чехословакияның Прага қаласын азат етуге қатысқан.

Әскерден қайтып келген жылдары 1948 жылдың наурыз айынан 1953 жылға дейін аудандық атқару комитетінде және аудандық комсомол комитетінде ІІ хатшы қызметтерін атқарған. 1953 жылдан 1960 жылға дейін аудандық атқару комитетінің нұсқаушысы, 1961 жылдан 1966 жылдың шілде айына дейін хатшы, кейіннен Жымпиты, Өлеңті селолық советтерінің төрағасы қызметін атқарды.

1966 жылдан, зейнеткерлікке шыққанға дейін, 1991 жылға дейін БҚО мемлекеттік мұрағаты Сырым филиалының директоры болып жұмыс жасайды (Х.М.Мергалиевті Облыстық Мемлекеттік мұрағаты Жымпиты филиалының директоры болып тағайындалғаны туралы аудандық атқару комитетінің 29.06.1966 жылғы №13 хаттама көшірмесі; Негіз: Қор-33,т-1,і-128,п-11). Мұрағат ісін жетілдіру жұмысында еңбекқорлығымен танылып, көптеген марапаттауларға ие болған.

Жұмыс жасаған уақытында аудандық, селолық советінің депутаты және партия конференциясының делегаты болып сайланады.

Сіздердің назарларыңызға Мергалиев Хамза Мерғалиұлының отбасылық суреттерінен фотокөрме ұсынамыз!

Жеке суреті