Орал облысының Социалистік еңбек ері Демеу Жаумбаевтың туғанына 85 жыл толу құрметіне жеке тектік қорына жататын құжаттар тізімі
Тарихи анықтама
Жаумбаев Демеу – Орал облысының Социалистік еңбек ері.
Жаумбаев Демеу 1932 жылыТайпақ ауданының Ақтөбе ауылдық кеңесінде дүниеге келді, білімі орта, ұлты – қазақ, КОКП мүшесі, Орал облысы Тайпақ ауданының Краснояр совхозының аға шопаны.
Жаумбаев Демеу өзінің еңбек жолын ерте бастады. Соғыстан кейінгі 1946 жылы, жетіжылдық мектепті бітіріп, 14 жасар бозбала өзінің туған колхозына еңбек етуге барып, ол жерде 1951 жылға дейін аянбай жұмыс жасады. Осы жерден Демеу 1951 жылы Кеңес Армиясы қатарына шақырылды. Әскерден соң 1954 жылы Жамбыл атындағы осы колхозға қайта оралды.
1954 жылы Жамбыл атындағы колхоз Тайпақ ауданының Краснояр совхозы болып қайта құрылып, Жаумбаев ол жерге аға шопан болып тағайындалды. Өз ісінің шебері қойлардың өнімділігін арттыру үшін тыным таппай жұмыс істеді. Социалистік жарыстардың бастамашысы болды. Демеу өзінің жеке еңбегімен оған деген коммунистік қарым-қатынастың үлгілерін көрсетті. Нәтижесінде ол өзінің ауыр еңбегінде тұрақты жоғары көрсеткіштерге қол жеткізді.
1966 жылы Демеу бекітілген 825 бас қойдан, 700 саулықтан 131 қозыдан алды.
Оның көрсеткіштері жыл сайын өсті. Өзінің ауыр жұмысын қоғамдық жұмыспен қатар іскерлікпен жүргізді. Ол халық депутаттарының аудандық кеңесінің депутаты, Қазақстанның КП аудандық комитетінің мүшесі болды.
Сегізінші бесжылдықта Жаумбаев 100 саулықтан 134 қозыдан алды. Жұмыстағы жоғары көрсеткіштері үшін оған «1970 жылғы Аудан чемпионы» атағы берілді. Әр шопан көбірек қозы алудың қамын ойлайды. Жаумбаев өзінің сүйікті ісіне қыруар күш-қуатын және шеберлігін салды. Ұмытылмас еңбегі шопанға даңқ әкелді. КСР Жоғарғы Кеңесі Президиумының 1971 жылғы 8 сәуірдегі қаулысында былай делінді:
Ауыл шаруашылық өндірісін дамытуда және мемлекетке егін шаруашылығы мен мал шаруашылығы өнімдерін сатудың бесжылдық жоспарын орындауда жеткен көрнекті жетістіктері үшін көптеген озаттарға Ленин орденін және «Орақ пен балға» алтын медалін берумен Социалистік еңбек ері атағын беру, біз олардың арасында өз жерлесіміз Демеу Жаумбаевтың атын мақтанышпен айтамыз.
