САЯСИ ҚУҒЫН-СҮРГІН ҚҰРБАНЫ БАҚТЫҒАЛИ БЕЙСЕНОВКЕ АРНАЛҒАН ЭЛЕКТРОНДЫҚ КӨРМЕ
Әкесі Бейсен сауатты, дәулетті адам болған.Інілері - Орал реальдық әскер училищесінің түлегі Ишанғали Бейсенов Жымпитыдағы «Ойыл уәлаятының» кіші әскери қызметкерлер мектебін бітіріп, штаб офицері болды, ал Зепқали Бейсенов Ойыл юнкер мектебін бітіріп, Алаш полкінде жүзбасы қызметін атқарған.
1901 жылы- қалалық Романов орыс-қазақ училищесін, осы училище жанындағы жоғары оқу орнына даярлайтын қосымша сыныпты үздік бітіріп шығады.
1902-1910 жылдары Орал реалдық әскер училищесінде оқып шығып, 1910 жылы тамызда Саратов университеті медицина факультетінің 1-курсына қабылданып,арнаулы талапқа сәйкес 1911 жылы Орынбор халық ағарту округінің сынақ алу комитетінде латын тілінен балалар гимназиясының 8-сыныбы көлемінде сынақ тапсырып, оқуын жалғастырды.
1-дүниежүзілік соғысқа байланысты оқу курсының тоғыз семестрін мерзімінен бұрын аяқтайды.
1917 жылы Саратов университетінің медицина факультетін бітіріп, Орал облыстык 13-Қызылкүлгін ауылдық-дәрігерлік учаскесінде дәрігер болып жасайды.
Болыстық, уездік дәрежеде мекемелерін құру қызметіне қатысып, Батыс Алашорда таратылғаннан кейін, 1920 жылдан бастап Бақтығали Бейсенов Орал облысындағы Калмыков уездік денсаулық сақтау бөлімінің меңгерушісі қызметін атқарды.
1924 жылы Жымпиты уезіндегі Байғұтты ауруханасының меңгерушісі болып,одан кейінгі жылдары Жымпиты уездік ауруханасында дәрігер болып жасады.
1937 жылы тұтқындалып, 1938 жылы 25-ақпанда КСРО Жоғарғы Соты Әскери коллегиясы «үштігінің» қаулысымен Орал қаласында атылды. 1958 жылғы 14 маусымда Орал облыстық соты қаулысымен ақталды.
Көрменің негізгі мақсаты:«АлашОрда» үкіметінің белсенді мүшесі, алғашқы қазақ дәрігерлерінің бірі- БақтығалиБейсеновтың өмірі мен еңбек жолына шолу жасау.
Міндеттері:
-Дерек көзі ретінде архивтік құжаттарды ұсыну;
- Бейсенов Бақтығалидың өмірбаянымен таныстыру;
- өлке тарихына құрмет сезімін қалыптастыру:
Қызылжар болысы бойынша, №5 ауылдық мектебін үздік бітіріп шыққан жөніндегі аттестаты.
Негізі: қор-290, Т-2, Іс-1.Түпнұсқа
Бейсенов Бақтығали Калмыков уездік денсаулық сақтау бөлімінің меңгерушісі болып жасап жүрген кезіндегі суреті.
Негізі: қор-290, Т-2, Іс-7.Түпнұсқа.
Бейсенов Бах Бақтығали реалдық әскер училищесінде қызмет еткен суреті.1910 жыл.
Негізі: қор-290, Т-2, Іс-7.Түпнұсқа.
1924 жылы Саратов университетінің медицина факультетін бітіргендігі жөніндегі куәлігі.
Негізі: қор-290, Т-2, Іс-1.Түпнұсқа.
Бейсенов Бах Бақтығалиға табысталған «Құрмет белгісі».
Негізі: қор-290, Т-2, І-1.Түпнұсқа.
