ХҚКО қызметкерлерімен дөңгелек үстел
2019 жылғы 23 тамызда БҚО Мемлекеттік архивінің оқу залында БҚО мемлекеттік архиві және Азаматтарға арналған үкімет» мемлекеттік корпорациясы» коммерциялық емес акционерлік қоғамының БҚО бойынша филилалы филиалының бірлескен «Архивтік анықтамалар беру» мемлекеттік қызмет көрсетуді жетілдіру және жақсарту жолдары» - атты дөңгелек үстелі өткізілді.
Дөңгелек үстелдің басты мақсаты көрсетілетін мемлекеттік қызметті алушыларға тез және сапалы архивтік анықмалар беру. Басты мәселелер мемлекеттік қызметті алушылардан құжаттарды қабылдау болып отыр: мәселен, өтініштер нысанының дұрыс толтырылмауы, еңбек кітапшасының көшірмесінің салынбауы т.б. «Архивтік анықтама беру» стандартына сәйкес мемлекеттік қызметті алушылардан құжаттар пакетін толық ұсынуын талап етуі сұралды.
БҚО Мемлекеттік архиві ҒАА және ҚП бөлімінің архивисттері Сахарова А.К., Нуркина М.А., Сәдуақас А.Ш. азаматтардың өтініштерін орындау барысында кездесетін мәселелер туралы айтып өтті.
ХҚКО директорының орынбасары Канешев Бауыржан Бисекенович БҚО мемлекеттік архиві қызметкерлерімен жұмысты жетілдіру бойынша өз ұсыныстарын айтып өтті.
Дөңгелек үстелге қатысушылардың қойған барлық сұрақтарына тиісті толық жауаптар берілді.
Бірлескен талдау негізінде жасалып жатырған жұмыстарды жетілдіру мәселелері талқыланып, мемлекеттік көрсетілетін қызметтің сапасын жақсарту туралы келісілді.
ХҚКО мен БҚО мемлекеттік архиві көрсетілетін мемлекеттік қызметті алушыларға архивтік анықтамалар беру бойынша күрделенген мәселелерді бірлесіп шешуге шешім шығарылып, архивтік анықтамаларды беру сапасын жақсарту мақсатында іс-шараның бірлескен жоспары қабылданды.
