Мұрағатта атыраулық әріптестермен кездесу

08.10.2015 жылы облыстық мұрағатта тәжірибе алмасу мақсатымен біздің Атыраулық әріптестеріміз келіп кетті – Атырау қалалық мұрағаты ғылыми-анықтамалық аппарат және құжаттарды пайдалану бөлімінің мамандары Калиева Алия мен Адилгалиева Рита.

Кездесу барысында әріптестеріміз мұрағаттың барлық құрылымдық бөлімшелерінің жұмысымен танысып өтті.

Тәжірибе алмасу шеңберінде атыраулықтар біздің веб-сайтымыздың мүмкіншіліктерімен танысты, оларға электронды мәліметтер қорын толықтыру жұмыстары жөнінде және оны анықтамалық бөлінің қызметінде мұрағаттық анықтама дайындау кезінде практикалық жағынан қалай қолданылатыны туралы баяндалды, оқу залының жұмыс тәртібімен, ведомстволық мұрағаттармен жұмыс және анықтамалық бөлімінің қызметімен танысты.

Өз кезегінде, әріптестеріміз оларға осы бағытта атқарылып келетін жұмыстары туралы айтып өтті, біздің мұрағаттағы жұмыстың деңгейіне жоғары баға беріп, болашақта жаңа жетістіктер тіледі, қоштасар алдында топтық фотосурет жасалды.

Зерттеушілермен жұмыс және
ақпараттық технологиялар
бөлімінің басшысы
А.Искакова

09.10.2015