Тәуелсіз мемлекеттер достастығы елдері жас архившілерінің жазғы мектебі

2017 жылы маусым айының 26-30 аралығында  Алматы қаласында   Қазақстан Республикасы Президентінің Архиві және Әл-Фараби атындағы Қазақ Ұлттық университеті ұйымдастырған жаңа заманауи форматтағы кәсіби білім алу бойынша тұңғыш Тәуелсіз мемлекеттер достастығы елдері архив қызметкерлерінің жазғымектебі болып өтті.

Жазғы мектепке келген тыңдаушылар еліміздің барлық облыстарының архив саласының мамандары сондай ақ, Беларуссия, Қырғызстан және Өзбекстаннан, сонымен қатар, Әл-Фараби атындағы ҚазҰУ-нің Тарих, археология және этнология факультетінің магистрлары, студенттері және Батыс Қазақстан облысы мемлекеттік архивінің ведомстволық архивтермен жұмыс бөлімінің маманы Қ.С.Шайхиев қатынасып, барлығы 30-ға жуық мамандар Ресей мен Қазақстанның архив ісінің алдыңғы қатарлы сарапшыларынан, Ресей мемлекеттік гуманитарлық университеті мен Әл-Фараби атындағы Қазақ Ұлттық университетінің профессорларынан дәріс тыңдады. Сонымен қатар, пікір сайыс-талқылаулар мен шеберлік сағаттары, Қазақстан орталық мемлекеттік архивтерінің жұмысымен танысып, Әл-Фараби атындағы Қазақ Ұлттық университетінің оқу бағдарламаларының озық үлгілерімен танысты.

Жазғы мектептің мақсаты: Тәуелсіз мемлекеттер достастығы елдерінен арнайы келген архив саласының мамандары және еліміздегі барлық облыстық мемлекеттік архив өкілдерімен тәжірибе алмасу, ведомстволық архивтегі құжаттарды электрондық архив жүйесіне енгізу, жетілдіру жұмыстары бойынша шет елдердің озық технологияларымен  жабдықтау жөнінде пікір алмасу.

Жазғы мектептің барша тыңдаушыларына Қазақстан Республикасы Президенті Архивінің директоры, профессор Борис Әлікенұлы ЖапаровТәуелсіз мемлекеттер достастығы елдері жас архившілерінің Жазғы мектебінің сертификаттары салтанатты түрде табыс етілді.

 

 

Ведомстволық архивтермен жұмыс бөлімі