Мемлекет және қоғам қайреткері, Орал облыстық партия комитетінің бірінші хатшысы Мұстақым Ықсановтың туылғанына 90 жыл толу құрметіне орай электрондық көрмеге орналастыруға жататын құжаттар тізімі(12.04.2016)
2016 жылдың 30 наурызында мемлекет және қоғам қайреткері, «Ленин», «Октябрь революциясы», үш мәрте «Еңбек Қызыл Туы», «Халықтар достығы» ордені, «Қазақ КСР-іне еңбегі сіңген құрылысшы» атақтарының иегері, Орал облыстық партия комитетінің бірінші хатшысы Мұстақым Біләлұлы Ықсановқа 90 жыл толу құрметіне Сізге оның өмірі мен қызметіне қатысты құжаттардың электрондық көрмесін ұсынамыз.
Ықсанов Мұстақым Біләлұлы 1926 жылдың 30-шы наурызында қазіргі Батыс Қазақстан облысы Жәнібек ауданы Борсы ауылында дүниеге келген.
Мұстақым Біләлұлы барлық саналы ғұмырын еліміздің, соның ішінде, Жайық өңірінің экономикасы мен мәдениетін дамытуға, халықтың әлеуметтік жағдайын арттыруға жұмсады.
1952 жылы Қазақ мемлекеттік ауыл шаруашылығы институтын бітіргеннен кейін еңбек жолын қатардағы құрылысшы мамандығынан бастап, беделді мемлекет қайраткеріне дейін көтерілді.
1952-1958 жылдары «Жетісайқұрылыс» басқармасында прораб, өндірістік-техникалық бөлімінің бастығы, бас инженер, басқарма бастығы болып қызмет атқарған.
1958-1963 жылдары «Бетпақдала ирригация құрылысы» трестінің бастығы, Оңтүстік Қазақстан облысы Ильичевск аудандық партия комитетінің бірінші хатшысы, Оңтүстік Қазақстан өлкелік су шаруашылығы басқармасының бастығы болып жұмыс атқарған.
1963-1966 жылдары Қызылорда облыстық партия комитетінің бірінші хатшысы болып жұмыс атқарған. (сол жылдары 30 күріш совхозын ұйымдастырды).
1966-1970 жылдары Қазақ КСР-ы Министрлер Кеңесі төрағасының орынбасары;
1970-1975 жылдары Жамбыл облыстық партия комитетінің бірінші хатшысы, Қазақстан Компартиясы Орталық Комитетінің хатшысы;
1975 жылдан 1986 жылы зейнеткерлікке шыққанға дейін Орал облыстық партия комитетінің бірінші хатшысы қызметтерін атқарды.
Көрменің негізгі мақсаты: Мемлекет және қоғам қайреткері, «Ленин», «Октябрь революциясы», үш мәрте «Еңбек Қызыл Туы», «Халықтар достығы» ордені, «Қазақ КСР-іне еңбегі сіңген құрылысшы» атақтарының иегері, Қазақстан Компартиясы Орал облыстық партия комитетінің бірінші хатшысы Мұстақым Біләлұлы Ықсановқа 90 жыл толуына орай өмірі мен қызметін оқырман қауымға таныстыру.
Міндеттері:
- өлке тарихын зерттеудің дереккөзі ретінде мұрағаттық құжаттарды ұсыну;
- М.Б.Ықсановтың өмірбаянымен таныстыру;
- өлке тарихына құрмет сезімін қалыптастыру.
Көрме келесі бөлімдерден тұрады:
1. Тарихи анықтама
2. Жеке іс қағаздарынан мәліметтер
3. Фотосуреттер
