Батыс Қазақстан облыстық мемлекеттік архивінің Сырым филиалында өткізілген семинар-кеңес. (25.11.2019)
2019 жылдың 15-қарашасында Батыс Қазақстан облысының мемлекеттік архивінің Сырым филиалында облыс архиві қызметкерлерінің ұйымдастыруымен «БҚО мемлекеттік архивінің филиалдарында істер номенклатурасын жасау, ғылыми-техникалық өңдеу жұмыстарын жүргізу және жинақтау көздеріне іс жүргізу» тақырыбында тәжірибелік семинар-кеңес өтті.
Семинардың мақсаты – филиалдың жинақтау көздері болып табылатын мекемелерінің қызметкерлеріне істер номенклатурасын жасақтау, құжаттарды ғылыми-техникалық өңдеуден өткізу және оларды архивке тапсыру жұмыстарын ұйымдастыру мен жүргізу бойынша әдістемелік көмек көрсету.
Семинарды Батыс Қазақстан облысы архивінің директоры Айжан Нұрғалиқызы Савгабаева ашты. Айжан Нұрғалиқызы қазіргі таңда облыс архивінде атқарылып жатырған жұмыстар жөнінде баяндап, семинарға қатысушылардың көптеген сұрақтарына жауап берді.
Сонымен қатар облыс архиві қойма бөлімінің бас қор сақтаушысы Гауһар Габдулова ұйымдарда құжаттама жасау, оны басқару және электрондық құжат айналымы жүйелерін пайдалану туралы, ал ғылыми-анықтамалық аппарат, зерттеушілермен жұмыс және құжаттарды пайдалану бөлімінің басшысы Орынбек Тасмағамбетов Ұлттық архив қорының құжаттарын және басқа да архивтік құжаттарды ведомстволық және жеке архивтердің қабылдау, сақтау, есепке алу мен пайдалану қағидалары туралы баяндамалар жасады. Семинар соңында облыс архивінің қызметкерлері семинар қатысушыларының сұрақтарына жауап беріп, істер номенклатурасын жасақтау бойынша және құжаттарды ғылыми-техникалық өңдеуден өткізу жөнінде әдістемелік көмек көрсетті.
Семинардан соң облыс архивінің қызметкерлері Сырым филиалы архивінің жұмысын тексеріп, оларға да әдістемелік-тәжірибелік көмек көрсетілді.
