Батыс Қазақстан облысының мемлекеттік архивінде «Архив және болашақ ұрпақ» бағдарламасы аясында жоғары оқу орындары студенттеріне арналған ашық есік күнінің ПРЕСС-РЕЛИЗІ

   2023 жылдың 21-ші қыркүйек күні Батыс Қазақстан облысының мемлекеттік архивінде Қазақстан Республикасы Мәдениет және спорт министрлігі Архив, құжаттама  және кітап ісі   комитетінің «Архив және болашақ ұрпақ» жобасы бойынша жоғары оқу орындары студенттеріне арналған ашық есік күні өтеді.

   Аталмыш шараның басты мақсаты, Батыс Қазақстан облысының мемлекеттік архивінің 100 жылдығына орай жоғары оқу орындары студенттеріне архив жұмысын таныстыру. Сонымен қатар, архив құжаттарында жазылып, сақталған құнды деректердің жас ұрпаққа тарихи маңыздылығын түсіндіру. Студенттердің архив қоймасында сақтауда тұрған еліміздің тарихын қалыптастыратын құжаттарға деген көзқарастарын өзгерту. Болашақ тарих ғалымдары ретінде ғылыми зерттеу жұмыстарына студенттердің ынталарын арттыру.

  Шараны өткізудегі міндет орай ғасырлық тарихы бар архив мекемелерінің жұмысын, дамуын көрсетіп жас ұрпақтың санасына тарихқа деген сүйіспеншілікті арттыру. Архив құжаттарын көпшілікке ашықтығын айту. Еліне және туған жеріне деген патриоттық сезімін сіңдіру, аға буынның ерлік, жауынгерлік жолын жас ұрпаққа насихаттап ұрпақтар сабақтастығын арттыру. Шара аясында студенттер елдің, халықтың тарихы хатталған архивтің құнды құжаттарымен танысуға мүмкіндік алады.

   «Архив және болашақ ұрпақ» атты ашық есік күнінде студенттерге архив қызметкерлерінің жұмысы туралы ақпарат беріп, архив тарихы көрмесі таныстырылады және де экскурсия өткізіледі.